Elbasy Nazarbaev Ýnıversıtetiniń basshysy Shıgeo Katsýdy Aqordada qabyldady.

76 jastaǵy Elbasy sheteldik basshymen aǵylshyn tilinde suhbat jasady. Ýnıversıtet jumystary jaıly surap, Katsýdyń baıandamasyn tyńdady, dep jazady Qamshy aqparattyq agenttigi.

Kezdesýde Memleket basshysyna bilim berý mekemesiniń jumys nátıjeleri týraly esep berilip, ýnıversıtettiń qurylǵanynan bergi jetistikteri jáne ony budan ári damytý josparlary jóninde baıandaldy. Elbasyǵa “Nazarbaev Ýnıversıteti” derbes bilim berý mekemesi 7 jyldaǵy óz jumysy barysynda jetekshi halyqaralyq joǵary oqý oryndarynyń úzdik tájirıbesin qabyldaǵany, sondaı-aq oqý ornynda bolashaǵynan úmit kúttiretin eń daryndy stýdentterdi irikteýge septigin tıgizetin merıtokratıa qaǵıdaty engizilgeni málimdeldi.

 Al kezdesýdegi halyqtyń nazaryn ózine aýdarǵan tusy Elbasynyń suhbatty «Please, your report» dep aǵylshyn tilinde bastaýy. Nazarbaevtyń orys tilin jetik meńgergeni bárine málim. Al endi aǵylshyn tili úshin de aýdarmashyny kerek etpeı turǵanyn baıqaımyz.

Sholýshy: Gúlim Jaqan