Federaldy qaýipsizdik qyzmeti óltirgen eki bosqynnyń eshqandaı da terrorıst emes, qarapaıym bosqyndar ekenin týysy aıtyp berdi, dep habarlaıdy Qamshy aqparattyq agenttigi Golos Islama basylymyna silteme jasap.

Esterińizge sala ketsek, lańkesterdi quryqtaý úshin arnaıy operasıa 19 sáýir kúni Vladmımrsk oblysynda ótken bolatyn.

Lańkes dep oılap, óltirilgen eki adam 30 jastaǵy Ibodýllo Valıev pen 26 jastaǵy Sharıfhon Bozorov esimdi er adamdar bolatyn.

Olardyń týysy Fazlıddın Gafýrovtyń aıtýynsha, óltirilgen er adamdar 7 jyldan beri saıajaıda kúzetshi jáne úı sharýasyna kómekshi bolyp jumys atqaryp kelgen.

Ol 18 sáýir kúni keshke ekeýmen sóıleskenin jáne úsh kúnnen keıin qaıtadan habarlasatynyn aıtqan eken, alaıda bul olardyń sońǵy sóıleskeni boldy. Óltirilgen týystary jumys istegen úıge kelgen kezinde, olardy úıden taba almaǵan. Jergilikti turǵyndar Fazlıddın Gafýrovqa eki týysyn óltirip ketkenin jetkizgen.

Gafýrovtyń aıtýynsha, atys bolǵan jerde eshqandaı da oq izderi bolmaǵan.

Aýdarǵan: Nazerke Labıhan