AQSH prezıdenti Donald Trampqa Reseımen arada baılanys ornatý qıynǵa soǵýda. Eki el arasynda baılanys ornatý máselesi sońǵy ýaqyttary problemaǵa aınalǵany jasyryn emes. Osy oraıda Qamshy aqparattyq agenttigi Reseı men AQSH qarym-qatynasy týraly amerıkandyq sarapshy mamannyń pikirin oqyrman nazaryna usynady.
«Amerıkandyq bedeldi saıasatkerler men BAQ ókilderi de óz kezeginde AQSH-pen baılanysty ornatýyna qarsylyq bildirýde»- deıdi Vashıngtondaǵy Amerıkandyq ýnıversıtettiń profesory, ıadrolyq zertteýler ınstıtýtynyń dırektory Pıter Kýznık.
«Tramptyń Reseımen qarym-qatynas ornatý keńistigi tar. Basty sebep- jalpy medıa da, saıasatkerlerdiń kópshiligi de RF-men baılanys ornaýǵa qarsylyq tanytýy»-deıdi Kýznık.
Alaıda, eki memleket arasyndaǵy qarym-qatynasty ornatý qanshalyqty qıyndyq týdyrsa da, qazirgi ýaqytta ornap turǵan shıelenistiń deńgeıin tómendetý maqsatynda biz osy dıalogqa muqtajbyz.
«Biraz ýaqyt boıy AQSH pen Reseı arasynda Ýkraına men Sırıada bolyp jatqan qaqtyǵystardyń esebinen soǵys ornaý múmkindigi týraly da aıtyldy. Shyn máninde, soǵys bastalyp kete me degen úreı de týǵany ras»-deıdi sarapshy.
Tramp prezıdenttike úmitker bolǵanda Reseı týraly kóptegen jaqsy nárseler aıtty, úmit bar edi.. Al prezıdent bolyp saılanyp alǵan soń basqasha sóıledi. Saılaý aldy kampanıasynda aıtylǵan sózderi dalada qalǵandaı boldy. Ol prezıdent retinde óz-ózine kereǵar keledi.
«Men ózimniń Reseıdegi dostarymdy aldyn-ala eskertken bolatynmyn, Tramptyń sózderine senbeýge shaqyrdym»-deıdi Kýznık. Sarapshy Reseıdi Tramtyń aıtqan sózderi tym áserli, jaǵymdy bolsa da oǵan senbeýge shaqyrdy.
Daıyndaǵan: Nazerke MUSA
