Búgin Astanada Qurlyqtyq hokeı lıgasy men elordalyq «Barys» hokeı klýby arasynda Astanada Hokeı juldyzdarynyń aptasy 2018 sharasyn ótkizý týraly kelisimge qol qoıyldy, dep habarlaıdy Qamshy aqparattyq agenttigi Astana qalasynyń resmı saıtynyń málimetine súıenip.  

Saltanatty rásimge QHL prezıdenti Dmıtrıı Chernyshenko jáne Astana qalasynyń ákimi Áset Isekeshev qatysty. Qol qoıylǵan memorandým Astanada 2018 jylǵy qańtardyń 10-ynan 14-ine deıin Hokeı juldyzdarynyń aptasyn ótkizýdi qarastyrady jáne oǵan bir formatta Áıelderdiń Hokeı Lıgasy Juldyzdarynyń machy, Erler hokeı Lıgasynyń Úndeý Kýbogi, QHL Juldyzdarynyń machy, sonyń ishinde sheberlik-shoý kiredi.

«Atalǵan memorandýmnyń mańyzy zor. Astanada hokeı juldyzdarynyń aptasyn ótkizý – qýanyshty ári qurmetti oqıǵa. Lıganyń úzdik oıynshylarynyń óneri «Barys» jankúıerleri úshin ǵana emes, Astananyń barlyq turǵyndary úshin umytylmas oqıǵa bolatyny anyq. Elorda birneshe kúnge Eýrazıanyń hokeı astanasyna aınalady», - dep málim etti qala basshysy. Sondaı-aq, ákim Lıga basshylyǵymen birge elorda ákimdigi jarystardyń joǵary uıymdastyrýshylyq deńgeıde ótýi úshin sharalar qabyldanatynyn jetkizdi. 

Sholýshy: Aıgerim Taýbaı