Memleket basshysy Nazarbaev Ýnıversıtetiniń rektory Shıgeo Katsýdy qabyldady, dep habarlaıdy Qamshy aqparat agenttigi Aqordanyń resmı saıtynyń málimetine súıenip. 
Elbasyna bilim berý mekemesiniń jumysy men aldaǵy damý jospary baıandaldy. Shıgeo Katsý 7 jyl ishinde Ýnıversıtet álemniń jetekshi bilim ordalarynyń tájirıbesin meńgerip, merıtokratıa qaǵıdasy engizilgenin tilge tıek etti. Jańashyldyq elimizdiń eń úzdik stýdentterin irikteýge pármen bergeni aıtyldy. Sondaı-aq bilim ordasynyń basshysy ýnıversıtet janyndaǵy zertteý ınstıtýty oń jolǵa qoıylǵanyn atap ótip, bıyl Nazarbaev Ýnıversıtetiniń túlekteri úshinshi ret túlep ushatyndyǵyn jetkizdi.

Shıgeo Katsý, «Nazarbaev Ýnıversıteti» derbes bilim berý mekemesiniń prezıdenti: -Men Memleket basshysyna Nazarbaev Ýnıversıtetiniń damý qarqyny jaıly baıandadym. Bıyl bizdiń bilim ordamyzǵa jeti jyl toldy. Ýnıversıtettiń áleýetin arttyra túsý úshin únemi tynymsyz ter tógip, zaman talabyna saı bolý qajet. Osyndaı myqty zertteý ınstıtýty el ıgiligine qyzmet etip, tyń tehnologıalardy ıgerýge pármen beredi.

Sholýshy: Aıgerim Taýbaı