Eýropa men Azıa boıynsha kóptegen uıymdar zıandy baǵdarlamalardyń kesirinen kıber shabýylǵa tap bolǵan dep jazady Qamshy aqparattyq agenttigi BBC-ge silteme jasap.
MalwareHunterTeam kıber qaýipsizdik sarapshylary tobynyń málimetinshe, vırýstyń shabýylynan Reseı men Taıvan aımaǵyndaǵy serverlerge zıan kelgen.
Anglıa, Ispanıa, Italıa, Germanıa, Portýgalıa, Túrkıa, Ýkraına, Qazaqstan, Indonezıa, Vetnam, Japonıa men Fılıppın elderiniń kompúterlik júıesine de shabýyl jasalǵan.
«Jańa vırýs óte joǵary jyldamdyqpen taralady» deıdi MalwareHunterTeam zertteýshileri.
Qaýipti baǵdarlamalar kompúterlerdi buǵattap ony ashý úshin bıtkonı túrinde aqy tóleýdi talap etedi.
«Josparly tehnıkalyq jumystar»
Reseılik birqatar BAQ-tyń habarlaýynsha, Reseıde İİM men baılanys operatorlaryna hakerlik shabýyl jasalǵan.
"Megafon" ókili Petr Lıdov-Petrovskıı kompanıa kompúterlerine shabýyl jasaǵanyn, biraq abonentterdiń baılanysyna áser ete almaǵanyn aıtady. IT mamandary vırýs taralmaýy úshin júıeni óshirýine týra kelgen.
Qazir atalmysh kompanıa «Kasperskıı zerthanasymen» qosylyp zıandy baǵdarlamany óshirýge talpynýda.
"Vympelkom" ("Bılaın") ókili Anna Aıbashevanyń aıtýynsha, olar shabýylǵa toıtarys bere alǵan.
Vırýsty shabýyldy Reseıdiń İİM Baspasóz qyzmeti de moıyndap otyr. Budan buryn İİM aqaýlar «josparly tehnıkalyq jumystarmen» baılanysty degendi aıtqan.
İİM resmı ókili Irına Volk myńdaǵan kompúterde vırýs bar ekenin habarlady. Bul 1% tómen kórsetkish.
«Qazir vırýstyń kózi joıyldy. Ony tolyqtaı qurtyp, jumysty qaıta qalpyna keltirý úshin tehnıkalyq jumystar atqarylyp jatyr» deıdi Irına Volk.
Reseıdiń tergeý komıtetiniń tóraǵasy Svetlana Petrenko tergeý komıtetinen eshqandaı shabýyl jasalmaǵynan aıtqan.
Tólem aqy – 600 dollar
Brıtanıanyń densaýlyq saqtaý qyzmeti aýrýhananyń kompúter júıesi «bopsalaýshy kompanıalardyń» kesirinen isten shyqqanyn buǵan deıin habarlaǵan.
MalwareHunterTeam sarapshylarynyń bergen aqparatyna sáıkes, kompúterler WanaCrypt0r 2.0 zıandy baǵdarlamalarmen shabýyl jasalǵan. Ol alǵash ret 2017 jyldyń aqpan aıynda shyqty.
«Kasperskıı zerthanasynyń» mamandary shabýyl Microsoft júıesi arqyly jasalǵanyn anyqtaǵan.
«Buǵattan shyǵarý úshin zıankester $600 kóleminde qarjy talap etip otyr. «Kasperskıı zerthanasy» 74 elge 45 000 shabýyl jasaý áreketin anyqtady.
Sholýshy: Ásem Álmuhanbet
