KHDR batys jaǵalaýy mańyndaǵy belgisiz jerde  reaktıvti snarád ushyrǵan dep jazady Qamshy aqparattyq agenttigi BBC-ge silteme jasap. Bul týraly Ońtústik Koreıanyń áskerıleri habarlaǵan. Soltústik Koreıanyń raketa ushyrýy kórshileri Japonıanyń, Ońtústik Koreıanyń jáne AQSH-tyń qıtyǵyna tıedi.

Aldyn ala málimetter boıynsha, ushyrylǵan snarád balıctıkalyq raketa bolýy múmkin.

«Soltústik Koreıa búgin tań atarda raketa ushyrdy. Raketa tıpi belgisiz, Phónan-Pýkto provınsıasynyń Kýson aýdanynyń shyǵa berisinde ushyryldy» dep aqparat taratqan Renhap.

Buny AQSH-tyń Tynyq muhıttyq qolbasshylyǵy qýattap, raketanyń qurlyqaralyq emes ekenin jáne Soltústik Amerıkany seskendire almaıtynyn aıtqan.

Kórshisiniń raketa ushyrýyna baılanysty Ońtústik Koreıa prezıdenti Mýn Chje In qaýipsizdik keńesin shaqyrǵan.

Japon mınıstrler kabınetiniń Ósıhıde Sýga bolsa raketanyń ushý ýaqyty 30 mınýtqa jalǵasyp baryp Japon teńizinde qulaǵanyn, Japonıanyń ekonomıkalyq aımaǵyna nuqsan keltire almaǵanyn jetkizgen.

Sýgtyń sózine saı, KHDR áreketi BUU qaýipsizdik keńesi rezalúsıasyn óreskel buzýshylyq bolyp tabylady.

Kıodo agenttiginiń jazýynsha, japon mamandary KHDR balıstıkalyq raketanyń jańa tıpin synaqtan ótkizýdi júzege asyra alýy múmkin emes dep boljaıdy.

Japon bıliginiń málimetinshe raketanyń ushý bıiktigi 1000 km.  Al, Ońtústik Koreıanyń áskerıleri raketanyń 700 km shamasynda ushqanyn aıtady.

Sáýirdiń aıynda KHDR ushyrǵan eki birdeı raketa sátsizdikke ushyraǵan edi.