Memleket basshysy Forýmnyń ashylý saltanatyna qatysty. Sondaı-aq oǵan shet memleketter men halyqaralyq uıymdardyń basshylary jáne delegasıalary keldi. Bul týraly Qamshy aqparattyq agenttigi Aqordaǵa silteme jasap habarlaıdy.

Qytaı Halyq Respýblıkasynyń Tóraǵasy Sı Szınpın qatysýshylardy quttyqtap, sóz sóıledi. Ol óz sózinde «Qytaı   bastamany júzege asyrý úshin (Bir beldeý, bir jol) Jibek joly qoryna qosymsha 100 mlrd ıýán quıady. Biz qarjy ınstıtýttaryn 300 mlrd ıýán shamasynda baǵalanǵan operasıalardy ıýánmen júrgizýge shaqyramyz. Qytaılyq damý banki jáne Qytaı EKSIM-banki sáıkesinshe 200 mlrd ıýán jáne 130 mlrd ıýán mólsherinde  ınfraqurylymdardy, ónerkásip qýatyn jáne qarjylandyrýdy qoldaýdyń  arnaıy kredıtteý sqemasyn qurady»,-degen.

Aıta ketsek, "Bir beldeý, bir jol" strategıasyn Qytaı 2013 jyly jarıalaǵan.

 ***

Forýmnyń basty maqsaty - yntymaqtastyqty jandandyrý baǵyttaryn talqylaý, ózara is-qımyl platformalaryn qalyptastyrý jáne yntymaqtastyq nátıjeleri boıynsha tájirıbe almasý.

İs-sharada ınfraqurylymdyq baılanys, saýda-ekonomıkalyq yntymaqtastyq, ónerkásiptik ınvestısıalar, energetıka men resýrstar, qarjylyq qoldaý, qorshaǵan ortany qorǵaý sıaqty mańyzdy máseleler talqylanatyn bolady.