Bul jaıyna Zatobolsk aımaǵynyń turǵyndary habar bergen, dep habarlaıdy Qamshy aqparattyq agenttigi kstnews.kz basylymyna silteme jasap.

Sonymen qatar bul ǵımarat ta tis emdeý aýrýhanasy da bolǵan eken. «Al máıittiń ýy ne bolmaq, ol jyldar boıy saqtalyp tura beredi emes pe?! Bul nárse densaýlyqqa óte zıandy», - dep ınternet qoldanýshylary óz shaǵymdaryn bildirdi. Atalmysh máselege qatysty mán-jaıdyń anyq-qanyǵyn bilý maqsatynda jergilikti turǵyndar sol úıge baryp kórgen.

«Bul jerge aldymen ápkem kelip qonystanǵan, ol qazir basqa ǵımaratta turady. Ol jerdiń jaǵdaıy jaqsyraq. Al bizdiń turmysymyz tym nashar, ómirimizde biraz qıynshylyqtar boldy. Keıinnen ápkem bul ǵımarattyń qojaıynymen kelisip, osy jerde turýymyzǵa ruqsat alyp berdi. Jaryq pen gazǵa ǵana tóleımiz, basqasyna kóp shyǵyn shyǵarýdyń qajeti joq», - deıdi morg ǵımaratyn panalap otyrǵan Raýshan Qujamqulova.

Bul otbasynda úsh bala bar. Úı alýǵa kezekterin kútip júrgenderine birneshe jyl bolǵan eken. Turmysy tómen otbasy kezekteri kelgenshe shamalary kelgen jerde turýǵa májbúr.

«Bul jerde uzaq bógelmeımiz, Zarechnyı aýdanyna qaraı kóshýdi josparlap otyrmyz. Bul jerdiń bir jaqsysy – mektep tym alys emes, balalarǵa yńǵaıly», - deıdi úsh balanyń ata-anasy. «Materıaldyq kómek qajet pe?» degen suraqqa «Ózimizdiń de qolymyzdan keledi» dep jaýap qatqan.

- Bul jerde kóptegen adamdardyń máıitteri jatqan, mundaı ǵımaratta kúneltýge qoryqpaısyzdar ma?

- Keıde qorqynyshty... Alaıda, bul jerde morg birneshe jyl buryn bolǵan. Keıinnen tis emdeý aýrýhanasyna aınalǵan. Sol kezde tazartý jumystaryn júrgizgen bolar. Bul jerdi, tipti, morg bolǵan jer dep aıta almaısyń, ol jaıynda da kóp oılaı bermeımiz.

Morg ǵımaratynda kúneltýge bolady ma? – degen suraq tóńireginde keńes alýǵa tyrystyq.

«Mundaı jaǵdaıǵa tyıym salý qajettigi jóninde eshqandaı da zań joq. Sol sebepti de tura berýge bolady», - dep málimdedi asa qaýipti ınfeksıalar men karantınderdi baqylaý ortalyǵynyń basshysy Lúdmıla Nalobına.

Aýdarǵan: Nazerke Labıhan