Almaty men Pavlodarda Norvegıa kúnderi aıasynda is-sharalar ótedi, dep habarlaıdy Qamshy aqparattyq agenttigi strategy2050.kz-ke silteme jasap. 

Barlyq sharalar 17 mamyrda atalyp ótetin norvegıalyqtardyń jalpyhalyqtyq súıikti meıramy Konstıtýsıa kúnine arnalǵan. 

Almatyda 17-20 mamyr, Pavlodarda 20-21 mamyr kúnderi eresekter men balalarǵa arnalǵan kezdesýler, keshter men sheberlik synyptar ótkiziledi. Sonymen qatar Almatyda 18 mamyrda #NordicTravelPublicTalk: Norvegıa boıynsha saıahat sharasy ótedi. Onda Norvegıa boıynsha saıahattaýdyń barlyq erekshelikteri atap kórsetiledi.

20 mamyrda S. Begalın atyndaǵy balalar kitaphanasynda Norvegıalyq ertegiler kúni ótedi. Nemis teatrynyń ártisteri norvej halyq ertegilerin aıtyp beredi. Aıta keterlik jaıt, Qazaqstandaǵy Norvegıa kúnderin Scandinavian Council mádenıet, óner men bilim berý qory uıymdastyrýda.

Sholýshy: Aıgerim Taýbaı