QR Ortalyq saılaý komısıasy QazAqparat saýalyna jaýap retinde 2017 jyly ókilettilik merzimi aıaqtalatyn QR Parlament Senaty depýtattarynyń tizimin usyndy, dep habarlaıdy Qamshy aqparattyq agenttigi.
Tómende atalǵandardyń barlyǵy 2011 jyly saılanǵan bolatyn.
1.Jabal Erǵalıev (Aqmola oblysy)
2.Eleýsin Saǵyndyqov (Aqtóbe oblysy)
3.Nurlan Qylyshbaev (Almaty oblysy)
4.Qaırat Ishanov (Atyraý oblysy)
5.Talǵatbek Abaıdildın (Shyǵys Qazaqstan oblysy)
6.Ertarǵyn Astaev (Jambyl oblysy)
7.Rashıt Ahmetov (Batys Qazaqstan oblysy)
8.Serik Aqylbaı (Qaraǵandy oblysy)
9.Murat Baqtıaruly (Qyzylorda oblysy)
10.Jeńis Nurǵalıev (Qostanaı oblysy)
11.Baqtybaı Shelpekov (Mańǵystaý oblysy)
12.Asqat Kúzekov (Pavlodar oblysy)
13.Serik Bilálov (Soltústik Qazaqstan oblysy)
14.Qýanysh Aıtahanov (Ońtústik Qazaqstan oblysy)
15.Vladımır Redkokashın (Astana)
16.Aqan Bıjanov (Almaty)
Kandıdattardy usyný 29 sáýirden bastalyp 28 mamyrda aıaqtalady. Saılaý 28 maýsymǵa belgilengen. 15 mamyrdaǵy OSK málimetterine sáıkes, saılaýǵa 83 kandıdat usynylǵan, onyń 76-sy ózin-ózi usynsa, qalǵany aýdandyq, qalalyq jáne oblystyq máslıhattar atynan tirkelgen.
Senat ár oblystan, respýblıkalyq mańyzy bar qaladan jáne Qazaqstan Respýblıkasynyń astanasynan eki adamnan, tıisinshe oblystyq, respýblıkalyq mańyzy bar qalanyń jáne respýblıka astanasynyń barlyq ókildi organdary depýtattarynyń birlesken otyrysynda saılanatyn depýtattardan quralady. Senatta qoǵamnyń ulttyq-mádenı jáne ózge de eleýli múddeleriniń bildirilýin qamtamasyz etý qajettiligi eskerilip, onyń on bes depýtatyn Respýblıka Prezıdenti taǵaıyndaıdy. Saılanǵan Senat depýtattarynyń jartysy árbir úsh jyl saıyn qaıta saılanyp otyrady. Senat depýtattarynyń ókilettik merzimi – alty jyl.
Palatany memlekettik tildi erkin meńgergen óz depýtattarynyń arasynan jasyryn daýys berý arqyly Palata depýtattary jalpy sanynyń kópshilik daýysymen saılanǵan Tóraǵa basqarady. Senat Tóraǵasynyń qyzmetine kandıdatýrany Qazaqstan Respýblıkasynyń Prezıdenti usynady.
