Ákesi men ógeı sheshesi soqqyǵa jyǵylǵan qyzyn ýchastkelik ınspektordan jasyrý úshin shkafqa tyqqan dep habarlaıdy Qamshy aqparattyq agenttigi informburo.kz-ke  silteme jasaı otyryp. 

Jeti jastaǵy qyz óz ákesimen Aqtóbe qalasyna jaqyn ornalasqan Quraıly degen aýylda turǵan. Kórshilerdiń aıtýy boıynsha, bala sońǵy 9 aıda, ógeı anasy paıda bolǵannan bastap ózgere bastaǵan eken. Kishkentaı qyzdy kúnde uryp-soqan, ash qaldyrǵan, birneshe ýaqyt boıy buryshqa turǵyzyp azaptapty. Aldyńǵy juma kúninen bastap kishkentaı qyz úıden múldem shyqpaǵan, tipti mektepke de barmaǵan.

Kórshileri ýaıymdap ýchastkelik ınspektordy shaqyrǵan kezde qyzdy birneshe jerden jaraqattanǵanyn bilgen. Kishkene qyzdyń ákesi men ógeı sheshesi bolǵan jaǵdaıdy eshkimniń bilmesin dep qyzdy shkafqa jasyrady. Al polısıa qyzmetkerine qyzymyz týystarymyzdyń úıine ketti dep ótirik aıtqan.

Keıinnen qyzdyń ákesi qyzyn shkafqa jasyrǵanyn moıyndaǵan. Qyzdy aýrýhanaǵa jetkizip, onyń mıy shaıqalǵandyǵyn jine taǵy da basqa túrli dıagnoz qoıǵan. Qyzdyń aıtýy boıynsha, ógeı sheshesi bireýge bolǵan oqıǵany aıtýshy bolma dep qorqytqan eken.  Qyzdy belbeýmen de urypty.

Onyń anasy týylǵannan bastap qyzynan bas tartqan kórinedi. 3 jasyna deıin balalar úıin panalaǵan. Alaıda belgili sebeptermen ákesi balalar úıinen qyzyn alyp ketken. Kórshilerdiń aıtýy boıynsha, ógeı anasy kelmeı turǵan kezde qyz ashyq minezdi bolǵan eken.

Atalǵan oqıǵaǵa baılanysty tergeý jumystary júrgizilip jatyr.

Sholýshy:Ásel Óteshova