Qazaqstanǵa Batys Sibirden kelgen sýyq atmosferalyq fronttardyń saldarynan elimizdiń keı óńirlerinde aýa temperatýrasy kúrt tómendeıdi dep boljaıdy sınoptıkter. Aýa raıy boljamy týraly Qamshy aqparattyq agenttigi otandyq BAQ-tarǵa silteme jasap habarlaıdy.

Keı jerlerinde jańbyr jaýyp, naızaǵaı, jel kúsheıip, túnde soltústik aımaqtarynyń keı jerlerinde úsik kútiledi. Respýblıkanyń tek ońtústik jáne ońtústik-shyǵysyna sýyq aýa kelmeıdi.

Sýyq atmosferalyq aǵynnan elimizdiń basym bóliginde jańbyr jaýyp qoımaı, aýa temperatýrasy da tómendeıdi. Soltústik óńirlerde keı jerlerde túnde 0-3º aıazǵa deıin salqyndaýy múmkin, qar aralas jańbyr jaýýy da yqtımal. Sýyq atmosferalyq fronttardyń ótýine baılanysty ońtústik jáne ońtústik-shyǵys oblystarda keı jerlerde qatty jaýyn jaýady.

Aqmola oblysynyń keı jerlerinde jel 15-20 m/s kúsheıip, túnde 2 gradýsqa deıin úsik kútiledi.  Qostanaı, Soltústik Qazaqstan oblystarynyń keı jerlerinde túnde 2-3 gradýsqa deıin úsik kútiledi, kúndiz naızaǵaı men jel 15-20 m/s kúsheıedi. Batys Qazaqstan oblystarynyń keı jerlerinde, Almaty oblysynyń Jalańashkól aýdanynda jel kúshi 15-23 m/s bolady. Qaraǵandy oblysynda, kúndiz Jambyl, Ońtústik Qazaqstan, Mańǵystaý, Shyǵys Qazaqstan oblystarynyń keı jerlerinde naızaǵaı, jel 15-20 m/s kúsheıedi. Atyraý oblysynyń keı jerlerinde naızaǵaı bolady.