Qaraǵandyda budan bir ǵasyr buryn jasalǵan kóne dombyra tabyldy, dep habarlaıdy Qamshy aqparattyq agenttigi 24.kz-ke silteme jasap. 

Qazir bul qundy jádiger shertpe kúı ortalyǵynyń jetekshisi Qaırolla Sádýaqasovtyń qolynda saqtaýly tur. Qaırolla Sádýaqasovqa ulttyq aspapty Moıynty aýylynda turatyn Rahmanalı Ábeýov aqsaqal tabystapty. Al qarıaǵa qara dombyra 1932 jyly ákesinen mura bolyp qalǵan. Sodan beri Rahmanalı ata ony kóziniń qarashyǵyndaı saqtap kelgen.

Qazaqtyń ulttyq kúı ónerin zerttep júrgen Qaırolla Sádýaqasovtyń aıtýynsha, bul kóne dombyrada ataqty Qyzdarbek, Ábdı, Sembek syndy suńǵyla kúıshilerdiń oınaýy ábden múmkin. Sebebi olardyń barlyǵy osy Shet óńirinde ómir súrgen. Dombyra da sol ýaqyttarda jasalǵan eken.

Qaırolla Sádýaqasov, «Kúı kerýen» shertpe kúı ortalyǵynyń jetekshisi: - Keshegi Sembek, Ábdı, Qyzdarbekterdiń qoly tıgen dombyra. 1900 jyly jasalǵan dombyra ǵoı. Osy dombyrany rettep, jóndep, sahnaǵa alyp shyqsam dep otyrmyn. Elbasymyzdyń «Bolashaqqa baǵdar: rýhanı jańǵyrý» atty baǵdarlamasy shyqty. Bul bizge óte keremet qoldaý bolyp otyr. Rýhanı jańǵyrý – keshegi babalarymyzdyń óship qalǵan dúnıelerin qaıta shyǵarý.

Sholýshy: Aıgerim Taýbaı