(Sýret muraǵattan alyndy)

    Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrmasymen «Shaısultan Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» RMQK slaván jazýy men mádenıeti kúnine oraı aǵymdaǵy jyldyń 23 mamyrynda Astana qalasynda  Slaván jazbalary men mádenıeti kúnin ótkizedi. Shara aıasynda «Túrki-slaván baılanysyndaǵy til jáne ádebıet: qazirgi zaman kózqarasy» atty halyqaralyq ǵylymı-praktıkalyq konferensıa uıymdastyrylady.

    Konferensıany ótkizýdiń maqsaty – Qazaqstan etnomádenı keńistigindegi slaván tilderiniń alýan qyrly qyzmeti men olardy saqtap qalý máseleleri jóninde pikir almasý, orys jáne ózge de slaván tilderin oqytý baǵytyndaǵy jınaqtalǵan tájirıbelermen almasý, ǵasyrlar toǵysyndaǵy slaván jáne túrki halyqtarynyń ózara tyǵyz qarym-qatynastarynyń joldary men qundylyqtaryn talqylaý.          

Konferensıada slavántaný, túrkitaný, tildik qatynas, aýdarmataný, ádebıettaný salalaryndaǵy belgili qazaqstandyq ǵalymdar baıandama jasaıdy dep josparlanýda.

Konferensıaǵa Qazaqstan Halqy Assambleıasy men Mádenıet jáne sport mınıstrligi ókilderi, Qazaqstan Respýblıkasyndaǵy slaván jáne túrki memleketteri elshilikterinen kelgen arnaıy qonaqtar, belgili ǵalymdar men qoǵam qaıratkerleri, etnomádenı birlestikter, etnoaǵartýshylyq mektepter men BAQ ókilderi qatysady.

Shara M.Gorkıı atyndaǵy Memlekettik akademıalyq orys drama teatrynda merekelik  konsertpen jalǵasyn tabady.