Sırıa Demokratıalyq kúshteri tarapynan Tabka aımaǵynda  jasalǵan áskerı operasıa barysynda DAISH-ty nasıhattaıtyn túrik tilindegi kitaptar tabyldy dep habarlaıdy Qamshy aqparattyq agenttigi aktifhaber.com habaryna súıenip.

ANF agenttiginiń habarlaýy boıynsha,  tintý barysynda tabylǵan «Shahadat jolyndaǵy jıhad erleri»,  avtory Harýn Ilhan (Şehadet Yolunda Cihat Erleri, Harun İlhan ) atty kitap Stambýldaǵy «Kýresel Kıtap» baspasynan shyqqan. Baspa Stambýldaǵy týrıserdiń kóp jınalatyn ataqty Úskidar aýdanynda ornalasqan.  Kitap eshqandaı shekteýsiz Internet betterinde jarıalanǵan jáne taratylǵan.

Kitapta oqyrmandy ashyq túrde zulymdyq pen qataldyqqa shaqyrady. Kitapqa negiz bolǵan Harýn Ilhan 2003 jyly Ystambulda  terakt jasady degen aıyppen sottalyp, 2007 jyly ómir boıy bas bostandyǵynan aıyrylǵan. Sot zalynda jasaǵan qylmystaryn durystyǵyn jáne musylman emesterge qarsy zulymdyqty qoldaıtynyn aıtqan. Sotqa jınalǵandar aldynda «Bul dáýirde kápirlerge qarsy qylyshtan basqa amal joq» degen.

Jýrnalıs Ahmed  Dıjle óziniń tvıtter paraqshasynda DASH-ty nasıhattaǵan kitaptyń Stambýlda basylǵanyn, baspa jeriniń áli jumys istep jatqanyn aıtqan jáne meken-jaıyn da kórsetken.

Anar Aqbaqaı