Búgin kúndizgi 10:50-de Astanadaǵy Qoshqarbaev kóshesiniń boıynda júk kóligi men jeńil kóliktiń qatysýymen jol apaty oryn aldy dep habarlaıdy Qamshy aqparattyq agenttigi. Jol apatynan zardap shekkenderdiń biri balasy bar áıel eken. Ol áıel 3 jastaǵy balasyn aýrýhanaǵa apara jatqan eken. Jol apaty bolǵan soń áıel jol boıynda kólik toqtatyp turǵan. Oǵan Rahat Sultanǵazy atty astanalyq turǵyn kómektesipti. Sonymen birge bolǵan oqıǵany óziniń facebook paraqshasyna jarıalaǵan.Onyń balasy 3-qabattan qulap qalypty. Áıeldiń murny apat kezindegi soqqydan synǵan. Biraq ol óz jaǵdaıynan góri balasynyń jaǵdaıyna alańdap otyr. Qansha degenmen ana ǵoı. Balasynyń tabanyna kirgen tiken mańdaıyma kirsin deıtin analardyń balasyna degen mahabbatyn dál osy sátte baıqaýǵa bolady.

Qazir kishkentaı bala aýrýhanada jansaqtaý bólimde es-tússiz jatyr. Al Master meken-jaıyndaǵy №2-aýrýhanada alǵashynda biraz másele oryn alǵan. Aýrýhan qyzmetkerleri balanyń jaǵdaıyn kóre tura balalar aýrýhanasy emes ekendigin aıtyp alǵashqy kómek kórsetpegen.Sol jerde áıel baıǵus aıqaı shyǵarǵannan keıin baryp alǵashqy kómek kórsetken. 

Sholýshy: Ásel Óteshova