43 jastaǵy Aleksandr Shılın Syrtqy ister mınstrliginde qyzmet atqarǵan. Ol óz úıinde tanysyn, sosyn onyń kishkentaı qyzyn óltirgen dep jazady Qamshy aqparattyq agenttigi sheteldik BAQ-qa silteme jasaı otyryp. Ol áıel men onyń qyzyn óltirgennen  keıin óz-ózin óltiripti. Bul oqıǵaǵa baılanysty tergeý júrgizilip jatyr. Alaıda tabysty, ıntelektýaldyq deńgeıi joǵary adamnyń sondaı qylmysqa ne úshin barǵany belgisiz, jumbaq bolyp otyr.

Aleksandr Shılın áleýmettik jelidegi belsendi múshe eken. Áleýmettik jelisinde adam sany kóp bolǵanymen, shynaıy ómirde eshkimi joq deýge de bolady.

Aleksandr ańshylyqpen aınalysa bastaǵannan keıin tanystary men týystary aralaspaı ketken. Ol janýarlardy qalaı óltirgenin sýretke túsirip, áleýmettik jelige salyp otyrypty. Bul sýretter bergi jaǵy bolatyn. Ol ańdardy qalaı azaptap óltiretinin jıi aıtyp otyratyn. Sonymen birge sodan rahat alady eken. Ony azaptap óltirgen kezdegi sýretterdi barlyq tanystaryna jiberip otyrypty. Ol ańshylyqqa degen qumarlyǵyn birneshe saǵat boıy aıtyp otyra alady. Árıne bul áńgime barlyq adamǵa unaı bermeıtin edi. Osylaı ol barlyq dostary men tanysynan aırylǵan.

Basqa tanysynyń aıtýy boıynsha, onyń osyndaı soraqylyqqa barý sebebi onyń Azıa eline sapary dep boljap otyr.

«Bizdegi kóp adamdar Azıada turdy. Ol jerdegi dástúr de, ómir de basqa. Ol jerde sektalar óte kóp bolǵandyqtanAleksandrdiń  psıhıkasyna áser etken sekildi. Ol ózge elde eshqandaı tanystary men dostarynsyz bardy. Áıeli de Máskeýde qalǵan»,- deıdi Aleksandrdiń qyzmettesi.

Onyń aıtýy boıynsha, Aleksandr óltirgen áıel onyń kóńildesi bolýy múmkin. Biraq bul áıeldi tanymaıtynyn aıtty. Bul oqıǵa boıynsha tergeý áli de jalǵasýda.

Aýdarǵan: Ásel Óteshova