Aq úıde AQSH jáne Túrkıa prezıdentteri Donald Tramp pen Rejep Erdoǵannyń kelissózderi ótti. Birlesken baspasóz máslıhaty kezinde eki el lıderi terorızmge qarsy kúres jóninde aıtqan. Al, Túrkıa prezıdenti Baspasóz hatshysynyń habarlaýynsha eki el basshysy saýda, ekonomıka jáne qorǵanys salasy boıynsha da sóıleskenin jetkizgen dep jazady Qamshy aqparattyq agenttigi.
Tramp Vashıngton terorıstik toptarǵa qarsy kúreste Ankaraǵa kómektesýdi jalǵastyra beredi dep málimdedi. "Islam memleketi" ekstremıstik uıymy, Kúrdistannyń Jumysshylar partıasynyń attary kúres nysany retinde ataldy.
Erdoǵan terorıstik uıymdarǵa jer betinde oryn bolmaý qajet dep, ol ondaı toptarǵa kúrdterdiń "Demokratıalyq odaǵy" partıasy men onyń Halyqtyń ózin ózi qorǵaý otrády degen qarýly qanatyn jatqyzdy.
Túrkıa prezıdenti atalǵan uıymdarmen áriptestik jasaýǵa bolmaıdy dedi. Ótken aptada Vashıngton negizinen Halyqtyń ózin ózi qorǵaý otrády qurǵan "Sırıanyń demokratıalyq kúshterine" kómektesý josparyn bekitken.
Túrkıanyń AQSH-qa sapary jalǵasyp jatyr.
It was a great honor to welcome the President of Turkey, Recep Tayyip Erdoğan, to the @WhiteHouse today! pic.twitter.com/4BWjOCgnNv
— Donald J. Trump (@realDonaldTrump) May 16, 2017
