Almaty qalasy Medeý aýdandyq İİB qyzmetkerleri áleýmettik jelilerde bir adamnyń toılarǵa baryp, qonaqtardyń uıaly telefonyn urlap ketip júr delingen habarlamany tekserdi, - dep habarlaıdy Qamshy aqparattyq agenttigi Tengrinews.kz basylymyna silteme jasap. 

"Jedel-izdestirý sharasyn júrgizý barysynda Ońtústik Qazaqstan oblysynyń 1983 jylǵy týmasy ustaldy. Er adam shyn máninde toı ótip jatqan meıramhanalarǵa baryp júrgen. Ol kóbinde úılený toılaryna baryp, ýaqytyn kóńildi ótkizip qana qoımaı, zańsyz baıýmen aınalysqan. Qudalardyń tarapynan kelgendeı bolyp, er adam uıaly telefondardy alyp ketip júrgen. Bizdiń aýdan boıynsha mundaı epızodtardyń sany qazirgi ýaqytta - 7", - dep habarlady Medeý aýdandyq İİB basshysy polısıa polkovnıgi Esen Ysqaqov. 

Osylaısha, bul azamattyń áreketinde QR Qylmystyq kodeksiniń 188-babynda qarastyrylǵan qylmys belgileri bar. Iaǵnı birneshe márte múlik tonaý. Osy áreketine zańda jaýapkershilik qarastyrylǵan. Sonymen qatar, fıgýrant Astanadaǵy toılarda da uıaly telefon urlyǵyna qatysy bar bolýy múmkin ekeni aıtylyp otyr.  

"Nusqalardyń biri boıynsha, er adam Astanadaǵy toı qonaqtaryn urlaǵan kezde vıdeoǵa túsip qalǵan. Qazirgi ýaqytta tergeý júrgizilip jatyr. QR QPK-niń 128-babynyń tártibinde kúdikti ýaqytsha ustaý ızolátoryna qamaldy", - dep naqtylady Ysqaqov.