Aqsýdyń «Rýsskıe ýzory» úlgili halyq fólklorlyq ansambli Tatarstan astanasy – Qazan qalasynda ótken «Mádenıet úılesimi. Mýzyka» atty HİH Halyqaralyq baıqaý-festıvaliniń bas júldesin ıelendi dep habarlaıdy Qamshy aqparattyq agenttigi.
Balalardyń án aıtý men bı bıleý máneri, sonymen qatar joǵary ártistik sheberlikteri qazylar alqysyn tánti etti. 17 jas ártis sahnada «Prı lýjký» atty kazaktardyń jáne «Prolegala pýt-dorojka» degen orys halqynyń kópshilikke tanymal mýzykalyq kompozısıalaryn oryndady.
– «Halyq án aıtý» atalymynda Reseı jáne TMD-elderinen 80 astam shyǵarmashylyq uıymnyń bar ónerin pash etti. Qazaqstan namysyn biz qorǵadyq. Festıválge aldyn ala daıyndaldyq, repıtısıalarǵa úsh aıdaı ýaqyt ketti. Nómirimiz halyq vokaly men orys halyq bıiniń elementterin úılestirdi. Qazylar alqasynyń sózinshe, balalarymyzdyń shyǵarmashylyq daryny, energetıkasy basqalarǵa qaraǵanda edáýir joǵary ári án aıtý men bı bıleý úılesimin erekshe baǵalady, – dedi ansambldiń horeografy Nadejda Kýzmenko.
Ónerpazdardyń sharaǵa qatysýyna qajetti qarajat ERG men Pavlodar oblysy ákimdigi arasynda 2017-2018 j.j. jasalǵan áleýmettik jobalardy iske asyrý jónindegi yntymaqtastyq Memorandýmy sheńberinde bólingen. Aıta ketetin jaıt, Eýrazıalyq Top (ERG) quramyndaǵy «Eýroazıattyq energetıkalyq korporasıasy» AQ bastama kóterip, «Rýsskıe ýzory» ansambliniń baıqaýǵa qatysýyn qarjylandyrý tarmaǵyn atalǵan Memorandýmǵa engizgen bolatyn. Sol sebepti, ónerpazdardyń ata-analary men jetekshileri EEK basshylyǵyna ansámbldiń halyqaralyq festıválge qatysýyna qolǵabys etkeni úshin alǵys bildirdi.
«...Ansámbl birinshi sanatty laýreaty atanyp, barlyq qatysýshylary arasynda bas júldesine ıe boldy! Ujym jetekshisi Larısa Babkınaǵa «Úzdik hormeıster» degen marapat buıyrdy. Ansámbldiń taǵy da bir tabysy – «Halyq dástúrlerin saqtaý úshin» júldesi (kýbok). Festıvál qorytyndysy boıynsha halyq ansambli qazan aıynda Sankt-Peterbýrgte ótetin sýper-fınalǵa joldama aldy. Jaraısyńdar!!! Kórkemdik jetekshiler jáne balalardyń joǵary kásibıligi jáne eńbegi anyq kórindi. Ansámbl EEK qarjylyq qoldaýy úshin rızashylyǵyn bildiredi»,– delingen «Rýsskıe ýzory» OK resmı paraqshasynda ornalastyrylǵan habarlamada.
