Parlament Májilisindegi «Aq Jol» fraksıasynyń depýtattary Ázerbaıjannyń problemalyq bankine ınvestısıalaý týraly sheshim qabyldaǵan BJZQ-nyń laýazymdy qyzmetkerlerin jaýapqa tartýdy usyndy, dep habarlaıdy Qamshy aqparattyq agenttigi QazAqparatqa silteme jasap.

«2014 jyldyń kúzinde BJZQ qarjysyna Ázerbaıjannyń halyqaralyq bankiniń 70 mlrd-tan astam teńge somasyndaǵy oblıgasıalaryn negizsiz satyp alý faktisin anyqtaǵan táýelsiz sarapshy Rahym Oshaqbaev «Aq jol» partıasynyń ókilderimen júzdesti. Budan buryn bizdiń fraksıa Kazınvestbankti lısenzıasynan aıyrý barysynda qaýiptilik dálizinde qalǵan 3 mlrd. teńgege tarta somadaǵy BJZQ qarjysyna qatysty úndeý jasaǵan bolatyn. Sol kezde BJZQ basshylyǵymen 5 mlrd. teńgege KASE-de kúmándi emıtetpen baǵaly qaǵazdardy alý faktisi anyqtalǵan edi», - dedi májilismen Azat Perýashev QR Ulttyq bank basshysyna arnalǵan depýtattyq saýalynda.

Onyń paıymynsha, osy mysaldardyń barlyǵy azamattardyń zeınetaqylyq jınaqtary boıynsha nemquraıdylyq men jaýapsyzdyqty kórsetip otyr.

«Osyǵan baılanysty «Aq jol» fraksıasy atalǵan bankke ınvestısıa salý týraly sheshim qabyldaǵan BJZQ-nyń laýazymdy tulǵalaryn jaýapkershilikke tartýdy usynady»,-dep atap ótti Perýashev.