Búgin tańerteń saǵat 07:55 shamasynda Jaıyq ózeninen ótetin kópirde 1984 jylǵy júrgizýshi Volkswagen Golf 3 avtokóligin aıdap kele jatyp, «Jaıyq taza qala» JSHS-nyń eki jumysshysyn qaǵyp ketken, dep habarlaıdy Qamshy aqparattyq agenttigi QazAqparatqa silteme jasap.

BQO İİD jergilikti polısıa qyzmetiniń basshysy, polısıa polkovnıgi Manarbek Ǵabdýllınniń aıtýynsha, 1956 jylǵy jumysshy oqıǵa ornynda qaza tapqan. 1980 jylǵy ekinshi jumysshy aýyr halde aýrýhanaǵa jetkizilgen. Olar sol kópirdi syrlaý jumystaryn atqaryp jatqan. Sol jerde belgi de turǵan.

Júrgizýshiniń sózine qaraǵanda, salondaǵy balasyna alańdap, ańdamaı qalǵan.

«Qazirgi kezde QR QK 345-baby 3-bóligine (abaısyzda adam ólimine soqtyrǵan jol qozǵalysy nemese kólik quralyn paıdalaný erejesin buzý) sáıkes qylmystyq is qozǵalyp, tergeý amaldary júrgizilýde», dedi M.Ǵabdýllın.