Astanalyq polıseıler eki jeńgetaıdy qolǵa túsirdi. Ustalǵan áıelder endi bes jyl merziminde jazasyn temir tordyń ar jaǵynda óteıtin bolady, dep habarlaıdy Qamshy aqparattyq agenttigi patrul.kz basylymyna silteme jasapú
"Astana aýmaǵynda ótkiziletin "Quqyq tártibi" jedel aldyn alý is-sharasy barysynda jeńgetaılyq jasaýdyń eki deregi anyqtaldy. Qaladaǵy saýnalardyń birinde 44 jastaǵy ákimshi áıel qolǵa túsken, ol klıentin 26 jastaǵy jezókshemen aqshaǵa tabystyrǵan. Sonymen qatar, Uıymdasqan qylmystarǵa qarsy kúres basqarmasynyń qyzmetkerleri taǵy bir saýnanyń ákimshisin atalmysh kásibi úshin quryqtady. Anyqtalǵandaı, bul áıel belgili bir tabysty kózdep, qasaqana 30 jastaǵy saýna klıentin 33 jastaǵy jeńil júristi qyzben tanystyrǵan. Sol úshin de aqshalaı syıaqy aldy", - dep málimdedi Astana q. İİD-nde.
Eki jeńgetaı ýaqytsha ustaý ızolátoryna toǵytyldy. Tergeý júrgizilýde.
Elimizdiń bas qalasynda ótkizilip jatqan "Quqyq tártibi" jedel aldyn alý is-sharasy tártiptilik pen qylmystyq ahýaldy tıisti túrde ustaýǵa, sondaı-aq, Astana qalasynyń kósheleri men qoǵamdyq oryndarda qylmystar men quqyq buzýshylyqtardy anyqtaý jáne jolyn kesýge baǵyttalǵan.
