2017 jylǵy 17 mamyrda «Rýhanı jańǵyrý» qoǵamdyq sanany jańǵyrtý baǵdarlamasynyń quramdas bóligi bolyp tabylatyn «Týǵan jer» baǵdarlamasy boıynsha Sarapshylar keńesiniń birinshi otyrysy ótti dep habarlaıdy Qamshy aqaparattyq agenttigi.

Sarapshylar keńesi L.Gýmılev atyndaǵy Eýrazıa ulttyq ýnıversıtetiniń bazasynda qurylǵan, onyń quramyna bedeldi qoǵam jáne ǵylym qaıratkerleri, úkimettik emes uıymdardyń ókilderi, jetekshi sarapshylar men mamandar kiredi. 

Sarapshylar keńesinde «Týǵan jer» baǵdarlamasyn júzege asyrýdyń basty tujyrymdamalyq ustanymdary qaraldy. Bul baǵdarlama tórt bólikten turady: «Tárbıe jáne bilim», «Atameken», «Rýhanı Qazyna»,  «Aqparat tolqyny». Atalǵan  baǵdarlamalar 14 basty baǵyttar boıynsha júrgiziledi, olardyń árqaısysy boıynsha tıisti jobalar men is-sharalar iske asyrylatyn bolady.

Baǵdarlamany tıimdi júzege asyrý maqsatynda jobalyq basqarýdyń ádisnamasyn qoldaný jóninde sheshim qabyldandy.

Otyrys barysynda Sarapshylar keńesiniń tóraǵasy - L.Gýmılev atyndaǵy Eýrazıa ulttyq ýnıversıtetiniń rektory E.Sydyqov Memleket basshysynyń «Bolashaqqa baǵdar: rýhanı jańǵyrý» atty baǵdarlamalyq maqalasynyń mańyzdylyǵyn atap aıtty, onda patrıotızmdi qalyptastyrý, salt-dástúrimizdi, mádenıetimiz ben biregeı ulttyq kodymyzdy saqtaý sıaqty mańyzdy basymdyqtar aıqyndalǵan. 

Sarapshylar keńesiniń músheleri tujyrymdamalyq ustanymdar boıynsha naqty usynystar men usynymdar berdi.

Keńestiń búgingi jumysyn qorytyndylaı kele, E.Sydyqov talqylaýdyń syndarly bolǵanyn, onyń «Týǵan jer» baǵdarlamasynyń tujyrymdamalyq ustanymdaryn jetildirýge tıgizetin paıdasyn atap aıtty, sondaı-aq Sarapshylar keńesiniń múshelerine sarapshylar men konsýltanttar retinde jobalyq toptardyń jumysyna jáne iske asyrylyp jatqan jobalardy monıtorıńteýge belsendi qatysýdy usyndy.

Sarapshylar keńesiniń birinshi otyrysynyń qorytyndysy boıynsha «Týǵan jer» baǵdarlamasynyń tujyrymdamalyq ustanymdary maquldandy.