AQSH Ádilet mınıstrligi Reseıdiń AQSH-taǵy ótken prezıdent saılaý naýqanyna Reseıdiń qatysy bar-joǵyn tekseretin arnaıy prokýror taǵaıyndady dep habarlaıdy Qamshy aqparattyq agenttigi BBC-diń orys qyzmetine silteme jasap.
Vedomstvo habarlaǵandaı bul qyzmetke AQSH-tyń Federaldyq tergeý búrosyn (FBI) 2001-2013 jyldary basqarǵan Robert Múller keldi.
AQSH bas prokýrorynyń orynbasary Rod Rozenstaın málimdegendeı qajetti tergeýdi qadaǵalaıtyn syrttan táýelsiz sarapshy tartylady.
Tramp pen Reseıdiń baılanysyn tekserý týraly talap AQSH prezıdentiniń 10 mamyrda FBI basshysy Djeıms Komıdy jumystan alýynan keıin týǵan.
Komı Tramptyń ulttyq qaýipsizdik boıynsha eks-keńesshisi Maıkla Flınnyń Reseımen qatynasyn tekserip bastaǵan. Aqúı bolsa Komıdyń jumystan qýylýyn bas prokýror Djeff Seshns pen Roda Rozenstaınniń usynysyn sebep dep túsindirgen.
Donald Tramp AQSH tarıhynda FBI basshysyn jumystan alǵan ekinshi basqolbasshy boldy. 1993 Bıll Klınton óziniń FBI dırektory Ýılám Seshnsti jumystan alǵan.
Aıta ketetin bolsaq, keshe Tramptyń saılaýdaǵy basty básekelesi Hılları Klınton saılaý naýqany kezinde kótergen bastamalaryn qoldaý maqsatynda jańa saıası uıym qurdy. Ol 3 mamyrda CNN telearnasyna bergen suhbatynda óziniń saılaýda jeńilýine reseılik hakerlerdi kinálaǵan edi.
