Amerıkada 15 kúndik sábılerin egeýquıryqqa talatqan jas ata-ana ustaldy, dep habarlaıdy Qamshy aqparattyq agenttigi Stan.kz basylymyna silteme jasap.

Dárigerler náresteniń denesinen 100-ge jýyq jaraqat tapqan. Basynda uzyndyǵy 2,5 santımetr bolatyn jara paıda bolypty. Tipti súıegi kórinip turǵan. Dárigerler sábıge plasıkalyq operasıa jasap, jarany tikken.

Keıin polısıa 19 jastaǵy Erık Shraıok pen 18 jastaǵy Charlz Ellıottany ustaıdy. Shraıoktyń aıtýynsha ol balany tańǵy saǵat 05:30-da tóseginiń qasyndaǵy kereýetke jatqyzǵan, al eki saǵattan soń ony qatty aıǵaılap jylaǵanynan oıanyp ketipti.

Tómenge qarap, qan-qan bolyp jatqan sábıdi kóredi. Osylaı degen ákesi de sábıdiń kereýetinen egeýquıryq izderin kórdim depti. Mamandardyń aıtýynsha náresteniń denesindegi jaralar az ýaqytta ǵana paıda bolǵan jara emes, ol birneshe saǵat boıǵy jaralanýdyń nátıjesinde osyndaı jaǵdaıǵa jetkizip otyr. Al bul ýaqyt boıy jas ata-ana úıde bolmaǵan nemese shyndyqty aıtýdan jaltaryp otyr.

Erli-zaıyptylar úılerinde tyshqan men egeýquıryqtar bar ekenin bilse de, olardy qurtýǵa esh áreket jasamapty.