Kóp jyl buryn Sıngapýrda otbasylyq jup tuńǵyshynyń dúnıege kelýin kútip júrgen. Olar qyzdy bolatynyn bilip, aldyn-ala Peı Shan esimin de daıyndap qoıdy. Otbasylyq jup qyzdyń dúnıege kelýin taǵatsyzdana kútip, daıyndyq jumystaryna qyzý daıyndyqty bastap ketti. Kópten kútken baqytty kún de kelip jetti. Alaıda sábıdiń qol, aıaǵy qalypty sábılerdikinen qysqa ekeni anyqtaldy. Dárigerler úshinshi sanattaǵy mýkopolısaharıdoz dıagnozyn qoıǵan. Bul týylǵannan adamda bolatyn dert sábıdiń barlyq denesine zaqym keltirgen. Onyń ishinde sharananyń súıegi, júıke júıesi jáne ishki aǵzasy da bar.

Bir aıdan keıin Sıngapýrlyq jup sábıi ósýin toqtatqanyn baıqaǵan. Sonymen qatar, sábı kúnde bir aýrýmen aýyratyn bolǵan. Bir dertten aıyqsa ekinshisi bastaıtyn.

Ýaqyt óte kele sábıde Sanfılıppo sındromy ǵana emes basqa da sozylmaly aýrýlar bar ekeni anyqtaldy. Óte sırek kezdesetin genetıkalyq aýrý Peı Shanniń máńgilikke 1 jastaǵy balanyń denesinde qalýyna sebepker boldy. Desek te, dárigerler tolyq dál osy aýrýdyń kesirinen dep aıta almaı otyr.

Peı Shandy kórgen adamdar onyń jasy 17-de ekenine senbeıdi. Ol júre almaıdy jáne jórgek kıýge májbúr. Sonymen qatar, álsiz ókpeniń saldarynan arnaıy ottegi maskasymen júrýine týra kelgen.

Qyzynyń densaýlyǵyna oraı, anasy jumysyn tastap, qyzyna qaraǵan. Ony arnaıy mektep ınternatyna jiberýdi oılaǵan. Alaıda qyzdy jiti baqylaý kerek boldy.

Peı Shan aǵylshyn tilin úırendi, oqý, jazýdy, sýret salýdy biletin. Fortepıanoda oınaýdy úırendi. Tipti qaıyrymdylyq konsertinde óner kórsetti.

Ata-anasynyń aıtýynsha,barlyǵynan buryn olarǵa adamdardyń qyzǵa qalaı qaraıtyny janyna batatynyn aıtady.

Qyz 18-ge tolǵanda densaýlyǵy odan beter nasharlaı tústi. Ol qaıtys bolar aldynda ata-anasyna jylamaýǵa jáne jerleý kezinde súıikti Hello Kitty mýltserıalynyń áýenin qoıýdy surady. 

Sholýshy: Ásem Álmuhanbet