Astanada Esil ózeninde úsh adam sýǵa batyp ketti, - dep habarlaıdy Qamshy aqparattyq agenttigi Tengrinews.kz basylymyna silteme jasap.

İİM Tótenshe jaǵdaılar jónindegi komıtettiń resmı ókili Rýslan Imanqulovtyń aıtýynsha, 21 mamyrda saǵat 15.12-de qutqarý qyzmetine Esilde ("Tulpar" kópiri aýmaǵynda) ózen arqyly ótetin jolda abaısyzda er adam men áıeldiń qulap ketkeni jaıly habarlama kelgen.

"Taǵy eki adam olardy qutqarmaq bolyp, artynsha sýǵa sekirip ketken. Kýágerlerdiń biri qutqarylǵan. Osylaısha, ótken táýlikte úsh adam sýǵa batyp ketti. Bireýin áli izdestirip jatyr", - dedi Imanqulov brıfıń barysynda.

Onyń aıtýynsha, oqıǵa ornynda 10 adam, Ortalyq óńirlik Aeromobıldi jedel-qutqarý jasaǵy men Astana qalalyq TJD qyzmetkerleri jumys istep jatyr.