Jer sharyndaǵy eń bıik shyń Everestte úsh álpınıs qaza taýyp, bireýi joǵalyp ketti, dep habarlaıdy Qamshy aqparattyq agenttigi 24.kz-ke silteme jasap.
Qaıǵyly jaǵdaıǵa taýly aımaqtaǵy aýa raıynyń qolaısyzdyǵy sebep bolǵan. Marqumdardyń máıiti kún raıy jaqsarǵan soń ǵana tabyldy.
Jazymǵa ushyraǵan sportshylar – AQSH, Slovakıa jáne Avstralıa azamattary. «Vashıngton post» málimetine qaraǵanda, joǵalyp ketken álpınıs – úndistandyq azamat. Marqum amerıkalyq Roland Iarvýd buǵan deıin 2015 jyly Everest bıigin baǵyndyrǵan. Ol kezde qar kóshkinine tap bolyp, apattan aman qalǵan Roland osy joly ajaldan qutyla almady. Aıta keteıik, buǵan deıin álemdegi eń bıik shyńdy eńserý jolynda 250-den astam adam qaza tapqan.
Sholýshy: Aıgerim Taýbaı
