EKSPO kezinde dástúrimizdiń san ozyq úlgisin kórsetip, jańadan salynǵan san túrli ǵımarattardyń tanystyrylymy ótetini belgili. Árkim óz bıznes josparyn iske asyryp,  eńbegine qaraı jemisin kórgisi keledi. Olardyń qatarynda jeńil júristi qyzdar da bar. Olar osy jazda kóptep aqsha tabýdy josparlap otyr, dep habarlaıdy Qamshy aqparattyq agenttigi 31 Arnanyń málimetine súıenip.

24 jastaǵy Anjelıkanyń komersıalyq sekspen aınalysqanyna bes jyl boldy. Ol elordalyq klıentterdiń jomart ekenin aıtyp,  ár jaz saıyn Astanaǵa keletinin de jasyrmady.

«Jaz kezinde Astanaǵa barýǵa tyrysam. Bıyl ádettegiden qıyn bolatyn shyǵar. Óıtkeni, EKSPO bolǵandyqtan polıseıler kún saıyn tekseris júrgizedi. Sondyqtan EKSPO-ǵa bılet alyp, qonaq retinde barýǵa tyrysamyz», – deıdi Anjelıka.

Búgingi kúni 2000 jezókshe JITS derti esebinde tur. Olar jyl saıyn ózdiginen tekserýden ótedi eken. Anyqtama alǵan soń ózge aımaqtarǵa qyzmet kórsetýge attanady,-dep málimdedi  OQO JITS-men kúres jáne profılaktıka ortalyǵynyń bólim meńgerýshisi Marat Smaǵulov.

Shymkenttik jezóksheler osylaısha halyqaralyq kórmede qyzmet kórsetýge daıyndalyp jatyr. JITS ortalyǵy áli 300-ge jýyq komersıaly sekspen aınalysýshy qyzdardy tekserýi kerek.

Sholýshy: Aıgerim Taýbaı