Almaty qalasy Alataý aýdanynda antısanıtarlyq jaǵdaıda ómir súrip jatqan az qamtylǵan otbasy bar ekeni anyqtaldy dep habarlaıdy Qamshy aqparattyq agenttigi Almaty qalasy İİD Baspasóz qyzmetine silteme jasap. 45 jastaǵy Iý. esimdi azamatshanyń eki balasy bar. Biriniń jasy 10-da, kishisi 7-de. Jalǵyz basty ana jumyssyz. Balalarynyń tárbıesine kóńil bólmeıtini, sabaqtaryna den qoımaıtyny, balalarynyń jaqsy ómir súrýine eshqandaı jaǵdaı jasamaıtyny jáne materıaldyq turǵyda olardy qamtamasyz etpeıtini belgili boldy.
«Úıdiń ishi las, ylǵal, jaǵymsyz ıis shyǵady. Jaryqty tólemegeni úshin óshirip tastaǵan. Balalaryna tamaq jasap, kıimderi jýylmaǵanyna biraz ýaqyt bolǵan. Qoıǵan suraqtarymyzǵa anyq jaýap bermeıdi. Tek túzeletinin aıtyp, aqtalýda. Árıne jalǵyz basty analarǵa er adamnyń kómeginsiz balalardy jalǵyz ósirý qıyn. Alaıda balalarǵa dál bylaı nemquraıly qaraý keshirilmes jaǵdaı» dedi Alataý aýdandyq İİB polısıa polkovnıgi Narkozy Baımuratova.
Anasyna «Balalardy tárbıelegende ata-analyq paryzyn ótemegeni úshin» hattama toltyryldy. Anasy ata-ana quqyǵynan aıyrylýy múmkin.
Sholýshy: Ásem Álmuhanbet
