43 jastaǵy Shvesıa azamaty Atyraý arqyly Kaspıı teńizin kórý úshin túıemen minip jolǵa shyqqan, dep habarlaıdy Qamshy aqparattyq agenttigi Moı Gorod basylymynyń málimetine súıenip.

 Jıhankez Kaspııden soń  Astanaǵa at basyn tiremekshi. Júrgen jolynyń barlyǵynda saıahatshy janyna qos órkeshti túıeni serik etkeni málim bolyp otyr.

Krıstıan Bodegren esimdi shved azamaty tórt túliktiń birin minip Qazaqstandy aralap júrgenine 8 aı bolypty.  Osy ýaqyta deıin qazaq jerindegi tórt klımatpen tanysyp úlgergen. Qyzyqqa toly saparyn saıahatshy Almaty oblysy Lepsi aýdanynan bastaǵan.

«Kóshpelilerdiń kúıin bastan ótkerip, Jibek jolymen júrip óttim. Endi Kaspıı teńizin kórsem degen josparym bar. Buryndary qazaq halqynyń qonaqjaılyǵy jaıynda azdap habardar edim. Osy saparymnyń barysynda qazaqstandyqtardyń qonaqjaı halyq ekenine kózim jetti. Men osylaı ár elge saıahat jasap , basymnan ótkizgen oqıǵalar men alǵan áserimmen kópshilikpen bólisemin. Qazaqstannan alǵan áserimmen ózgelermen bólisýge asyqpyn», dep málimdedi Krıstıan.

Jibek jolyna saparǵa shyqpas buryn Sahara men Mońǵolıaǵa bolǵanyn da aıtyp ótti.

Krıstıan Kaspıı teńizin kórgennnen keıin Elordaǵa saparǵa shyǵýdy josparlap otyr. Biraq Astanaǵa qos órkeshti janýarmen emes kólikpen barmaq. 7 shildede Bodegren Astanadaǵy Art Fest festıvaline qatysady. Festıválde kóshpendilerdiń ómiri jaıly óziniń fılmin  kórsetýdi josparlap otyr. 

Sholýshy: Aıgerim Taýbaı