Reseıde halal týrızmi qarqyndy damý prosesin bastan keshirýde. Jyl saıyn Reseı musylman týrıserdi kóptep qabyldap jatyr dep jazady Qamshy aqparattyq agenttigi TASS-qa silteme berip. Alaıda KazanSummit 2017 forýmynda sarapshylar eldiń áli de mundaı týrısik taýarlardy óndirýdiń alǵashqy satysyn bastan ótkerip jatqandyǵyn aıtqan.
«Jyl saıyn Reseıge keletin musylman týrsıterdiń sany ósip jatyr. Negizinen alǵanda mundaı týrıserdiń talaptary óte kóp. Onymen qosa olar taýardyń halal ekenin dáleldeýdi talap etedi. Qazirgi tańda, ókinishke oraı taýarlardyń qaıda óndirilgeni, qalaı óndirilgeni týraly málimetterdi týrıserge usyný máselesi problematıkalyq bolyp otyr. Osyǵan qaramastan halal týrızmge degen suranym kúnnen-kúnge ósýde»-deıdi Rostýrızm jetekshisiniń orynbasary Nıkolaı Korolev.
Álemde ıslam dinin 142 elde 2 mlrd adam ustanady. Reseıge jyl saıyn qansha musylman týrıseri keletini týraly naqty málimet joq. Desek te, Reseıge qazirdiń ózinde qytaılyq musylmandar da kóptep kelýde.
Máskeý men Peterbordan basqa musylman týrıseri Tatarstanǵa da barýǵa asyǵady eken. Máskeý men Qazanda musylman týrıserge arnalǵan tolyq qamtamasyz etilgen ınfrastrýktýralar bar. Al Peterborda múldem joq eken.
Halal týrıserge qonaq úı máslesine baılanysty qoıylatyn biraz talaptar bar. Onyń ishine namaz oqýǵa arnalǵan arnaıy bólme kiredi. Bólmede Quran kitabynyń bolýy da mindetti. Namaz kestesi, eger oraza kezi bolsa aýyz asharda qyzmet kórsetetin qyzmetkerler bolýy da shart. Osyǵan baılanysty mundaı talaptarǵa jaýap beretin qonaqúıler tek Qazanda ǵana bar eken.
Sarapshylardyń aıtýy boıynsha áýejaıǵa qoıylatyn da arnaıy talaptar bar. Musylman týrıserine arnalǵan týr uıymdastyrý úshin standarttarǵa saı bolý úlken jumysty qajet etedi. Dese de, Reseı qazirdiń ózinde osy talaptarǵa sáıkes musylman týrıserin qabyldaýyn týrızmniń jańa damý baǵyty retinde qabyldap, onyń damýyna baryn salyp otyrǵanyn anyq baıqaýǵa bolady.
Aýdarǵan: Nazerke MUSA
