Sheshenstanda mektep bitirý keshteri mektep tys bolady dep habarlaıdy Qamshy aqparattyq agenttigi gordonua.com-ǵa silteme jasaı otyryp. Bul týraly Sheshenstan respýblıkasynyń basshysy Ramzan Qadyrov bilim mınıstrimen kezdesý kezinde málimdegen.

«Mektep bitirý keshteri buryn bolǵan jáne bola da beredi. Biraq atalǵan keshter mektep qabyrǵasynda oryn almaýy tıis. Endigi kezekte kesh týraly máseleni  ata-analar men mektep bitýshiler ózderi sheshetin bolady»,- dedi Ramzan Qadyrov.

Qadyrovtyń aıtýynsha, ata-analar mektep bitirý keshterin qaıda uıymdastyrsa da ózderi biledi, túrli restoran men kafedi ótkizýlerine bolady, tek mektepte emes.

Bul sheshimniń óz sebebi de bar eken. Atalǵan sheshim arqyly Ramzan Qadyrov mekteptegi aqsha jınaý máselesin toqtatqysy keledi. Sebebi bitirý keshteri mektep qabyrǵasynda oryn alatyn bolsa, onda muǵalimniń nemese ata-analar komıtetiniń aqsha jınaıtyndyǵy aıtpasa da belgili dúnıe. 

Sholýshy: Ásel Óteshova