«Halyq banki» AQ  men «Qazkommersbank» AQ arasynda satý-satyp alý týraly kelisim jasalyp jatyr. Bul týraly búgin Almatyda ótken baspasóz máslıhaty barysynda QR Ulttyq bankiniń tóraǵasy  Danıar Aqyshev aıtty, dep jazdy Qamshy aqparattyq agenttigi. 

«Qazirgi tańda eki bank arasyndaǵy ózara memorandýmǵa sáıkes birqatar sharalar júzege asyp jatyr. Atap aıtqanda, aktıvterdiń sapasyn keshendi tekserý  (due diligence) júrip jatyr. Satý, satyp alý týraly kelisimshart jáne  basqa da qajetti qujattar jasalý ústinde», - dedi D.Aqyshev.

Onyń aıtýynsha, atalǵan mámileniń júzege asýy eki jaqtyń mamandarynyń birikken jumysyna baılanysty bolmaq.

Aıta keteıik, osyǵan deıin Halyq banki Qazkomdy satyp alý nıette ekenin jazǵan bolatynbyz. Bul jaıynda «Qazaqstan Halyq Banki» AQ Basqarma Tóraǵasy Úmit Shaıahmetova aıtqan bolatyn.

Sholýshy: Gúlim Jaqan