Shymkentte anasynan aıaýsyz taıaq jegen jeti jasar bala múgedek bolyp qaldy dep habarlaıdy Qamshy aqparattyq agenttigi otyrar.kz-ke silteme berip. Jaraqattyń aýyr bolǵany sonshalyqty, onyń mıy isip, basyna zaqym kelgen. Dárigerler naýqas balaǵa shuǵyl túrde ota jasap, onyń ómirin aman alyp qaldy. Qazir balǵyn oblystyq balalar aýrýhanasynyń jansaqtaý bóliminde jatyr. Jıyrma kúnnen beri esin jımaǵan balanyń jaǵdaıy áli kúnge deıin aýyr.

Muhtar Ábdiqadirov, dáriger: “Bala aýrýhanaǵa túskende denesinen kógergen izder, isik baıqadyq. Sondaı-aq, beti men moıny kúıgen. Negizi, bala 2 mamyr kúni Ordabasy aýdandyq aýrýhanasyna túsken. Alǵash túsken kezinde sanavıasıa qyzmetimen baryp, balanyń jaǵdaıyn baqylaǵanbyz. Bala ózdiginen dem ala almaı, apparatta jatty. Keıin jaǵdaıy nasharlap, 9 mamyr kúni balanyń basyna ota jasadyq. Qatty jaraqattyń saldarynan mıy isip ketken. Ota kezinde mıdaǵy qaýipti qaıtardyq. Biraq, bala múgedek bolap qalady.”

Osy jaǵdaıǵa baılanysty tergeý jumystaryn júrgizip jatqan quzyrly organ ókilderi anasy balasyna qorlyq kórsetip, ólimshi etip sabap tastaǵan deıdi. Qazir osy faktige baılanysty tekserý jumystary júrgizilýde.