Aqtóbe oblysynda erli-zaıypty quldyqtan bosatyldy, - dep habarlaıdy Qamshy aqparattyq agenttigi "Habar 24" telearnasyna silteme berip. Bul derek Mártók aýdanynda júrgizilgen jedel aldyn alý sharasy «Nelegal-2017» aıasynda júrgizilgen.
Telearnanyń málimetinshe, Aqtóbe qalasynyń 43 jastaǵy turǵyny men Ózbekstan Respýblıkasynyń 52 jastaǵy azamaty quldyqta bolǵan. Oblystyq İİD baspasóz qyzmetiniń málimetinshe, kúdikti olardy eki jyl boıy quldyqta ustaǵan. Kóbinese úı sharýalaryn istetken. Er adam Mártók aýdanynyń ýaqytsha ustaý ızolátoryna qamaldy. Tergeý júrgizilip jatyr.
