Ekinshi dúnıejúzilik soǵystan keıin shırek ǵasyr ótken soń ný ormannan «tank» tabyldy. Kólemi úlken soǵys kóligin tapqan sátte júrgizýshiniń ornynan kishi leıtenanttyń qaldyǵy anyqtaldy, dep habarlaıdy Qamshy aqparat agenttigi.
Soǵys kezindegi sarbazdyń tank ishinen bir oǵy bar altyatyr jáne planshet tabylǵan. Al planshette karta jáne súıikti qyzynyń sýreti tabyldy. Jazylyp jiberilmegen hat ta bar. Hatty nazarlaryńyzǵa usynamyz.
1941 jyl 25 qazan.
«Sálem , Vará! Jo-joq, sen ekeýmiz kezdespeımiz. Keshe tús mezgilinde gılerdiń bir baǵanasynyń kózin joıdyq. Fashıserdiń áskeri óz ishinde jarylyp kóz jumdy. Men kólikti ormanǵa jasyryp júrgen sátte Vasılıı kóz jumdy.
Qanym basyma shaýyp tur,Vará! Vısalıı Orlovty qaıyńdy aımaqqa jerledim. Ol jer jaryq bolatynyna senemin.
Osylaı úsh tank júrgizýshileriniń ishinde aman qalǵany jalǵyz men. Osynyń kúıigimen tún ortasy ormanǵa bet aldym. Tún uzaq ári qarbalasqa toly boldy. Biraz qan joǵalttym. Al qazir keýdemi órtegen ashý men kektiń yzasy qanymdy basyma teptirip, azdap sabyrǵa keldim.
Bir ókinishtisi biz barlyq jaýdyń kózin joıa almadyq. Alaıda qolymyzdan kelegeninshe kúresip baqtyq. Aqtyq demi qalǵansha Otan úshin kúresken erlerdiń isi naǵyz erlik. Bizdiń ásker biz bastaǵan isti aıaǵyna deıin jetkizedi. Jaýdyń kózin joıady. Men oǵan senimdimin!
Ómirimdi sen bolmaǵanda dál osylaı súrmes edim, Vará. Men árdaıym meniń tiregim boldyń. Halhın-Golde de , maıdan alańynda da. Adam bireýdi shyn súıse , soǵan bar meıirimin tógedi emes pe?!
Men ózińe degen úlken mahabbatpen jan tapsyryp jatqanym úshin baqyttymyn!»
Daıyndaǵan: Aıgerim Taýbaı
