Otandyq jáne amerıkalyq dárigerler 70-ten astam qazaqstandyq balaǵa tegin plasıkalyq operasıa jasady, dep habarlaıdy Qamshy aqparattyq agenttigi 24.kz-ke silteme jasap. 

 Bet-jaq tusyndaǵy týabitti kemistikti, qoıanerin, kúıikten keıingi tyrtyǵy bar balalarǵa jasalǵan operasıa bes kúnge jalǵasty. «Bolashaǵymyz balalar» atty áleýmettik joba aıasynda jasalǵan ıgi sharany «Asyl bala» respýblıkalyq qaýymdastyǵy men AQSH-tyń halyqaralyq kómek toby birlesip júrgizdi.

Plasıkalyq hırýrg Djek Demostyń aıtýynsha, qazir balalardyń densaýlyǵy jaqsy.

 Djek Demos, hırýrg dáriger: - Biz osy bes kúnniń ishinde 70-ten astam balaǵa baqyt syıladyq dep aıta alamyn. Plasıkalyq operasıany jasaý barysynda qazaqstandyq dárigerlerdiń kómegi kóp boldy. Jergilikti hırýrgterdiń kásibıligin joǵary baǵalaımyn. Operasıa jasaǵan balalardyń keıbiri erteń úılerine shyǵady.

Sholýshy: Aıgerim Taýbaı