Keler jyldan bastap jeke kýálik pen pasportty nebary 3 saǵattyń ishinde alýǵa bolady. Maýsym aıynda qujattardy alý merzimi eki esege qysqarmaq. Bul týraly Astana qalalyq halyqqa qyzmet kórsetý ortalyǵy basshylyǵy málimdedi, dep habarlaıdy Qamshy aqparattyq agenttigi Astana arnasyna silteme jasap.

Búgingi tańda kýálikti jedeldetip tezdetip jasatý úshin, ústinen 2000 teńgeden kóp aqsha qosylady. Onyń ústine jedeldetilgen kúnniń ózinde 5 kúnnen kem bolmaıdy eken. Adamdy áýre-sarsańǵa salǵan bul júıe endi jeńildetilmek. 

Erlan Shúrenov, Astana qalalyq HQKO úılestirý qyzmeti departamentiniń basshysy:

Tapsyrmadan keıin atalǵan 4 qalada 1 kún ishinde, al ózge oblys ortalyqtarynda 1 apta ishinde daıyndaý júzege asty. Bul joba İİM men birlese atqarylǵan. Biz tehnıkalyq turǵyda daıynbyz. Joba jaqyn arada júzege asady. Munan ózge biryńǵaı HQKO salý josparlanǵan. Olaı bolǵan jaǵdaıda, bir ǵımaratta front jáne bek ofıster salynyp, mamandar bir jerde otyratyn bolady. Qujattardy birneshe saǵat ishinde alyp ketý múmkindigi bar.

Jyl basynan beri 15 myńdaı aqtóbelik jeke basyn kýálandyratyn qujat pen pasport aldy. Bul qujattardyń teń jarymy qysqartylǵan merzim ishinde ázirlengen. Biraq basqa óńirlerdiń qarqyny budan baıaý. Máselen Oralda qujattar, eń jyldam degende, tek tórt kúnde ázir bolady.

Venera Sátjanova, BQO İİD kóshi-qon qyzmetiniń aǵa ınspektory:

Burynǵy ýaqytta qujatty berý jáne rásimdeý isi 30 kún ishinde bolatyn. Qazirgi ýaqytta 15 kún ishinde rásimdep beriledi. Jáne azamattar óziniń qujattaryn jedel túrde alǵysy kelip aryz berse, onda olardyń qujaty 4 kúnde rásimdep beriledi. Oǵan biraq qosymsha aqy bólinedi. 1 989 teńge.

15 kúnde rásimdeletin tólqujatqa tólem - 9 076 teńge. Al, tezirek jasatqyńyz kelse,  1 989 teńge qosymsha tóleýge týra keledi.