11 jastaǵy Órkendi óltirdi dep aıyptalǵan Sharıpa Aqberdıeva óziniń sońǵy sózinde sýdıadan uly Temir men onyń ógeı aǵasy Qadyrjandy bes jylǵa bas bostandyǵynan aıyrýdy surady, - dep habarlaıdy Qamshy aqparattyq agenttigi Tengrinews.kz portalyna silteme jasap.
"Aıdananyń kinási joq. Onyń aqtalyp shyǵýyn suraımyn. Sosyn men Órkeenniń ógeı sheshesi retinde Temir Aqberdıev pen Gýlámov Qadyrjandy maǵan jala japqandary úshin úkimge taǵy da bes jyl qosýyńyzdy suraımyn. Meni ana retinde túsinýińizdi suraımyn.Men óz kinámdi moıyndaımyn. Alaıda ol sózderdi men aıtqan emespin. Rýslannyń da bul jerde kinási joq. Rýslan, Tımýr, Gýlámov, Kempirbaev ákesiz ósken balalar. Men tolyq otbasynda dúnıege keldim. (…) Osy qylmysty óz moınyma alamyn. Biraq men balalardyń aıtqan túsiniktemelerimen kelispeımin. Shyn júrekten keshirim suraımyn. Ókinishti jaǵdaı. Órkenniń anasynan, ájesinen jáne ákesinen keshirim suraımyn. Sýdıa myrza, prokýror jáne osy zalda otyrǵan barlyq adamnan keshirim suraımyn. Aıdananyń bul qylmysqa esh qatysy joq. Onyń balasy bar, aıaǵy aýyr. (…) Men balalarymdy aqtap otyrǵan joqpyn. Alaıda Órkenniń ólimine meniń kinám joq. Barlyǵynan keshirim suraımyn. Qyzymdy jiberińizdershi. Basqa eshteńe suramaımyn", - dedi Sharıpa Aqberdıeva.
Sondaı-aq, áıel sońǵy ýaqytta balalardyń tárbıesimen aınalyspaǵanyn aıtyp ótti. Aqberdıevanyń sońǵy sózinen keıin sýdıa Berikjan Baıjúnisov keńes bólmesine ketti.
Osyǵan deıin Shárıpa Aqberdıeva sot kezinde balany óltirýge kináli ekenin moıyndap, óltirýge eki sebep bolǵanyn aıtqan edi.
Aıta keteıik, 24 qańtarda balanyń ógeı sheshesi jáne taǵy da tórt kúdikti eki aıǵa qamaýǵa alynǵan bolatyn.
Sondaı-aq, osyǵan deıin polıseıler balanyń ólimine qatysty jańa derekterdi jarıalaǵan edi. Sol málimetter boıynsha, Órken Azamatulynyń ógeı sheshesi men onyń tórt sybaılasynyń osy qylmysqa qatysy bar. Kúdiktilerdiń arasynda áıeldiń qyzy men balasy bar ekeni belgili boldy. Tergeý málimetinshe, ol balanyń ákesinen kek alý úshin osyndaı qylmysqa barǵan. Áıel qylmys jasamaı turyp, Shymkentten birinshi nekedegi 1995 jylǵy ulyn shaqyrtqan. Sodan ol dosymen birge sonda kelip, áıel olarǵa balany urlaý úshin 100 myń teńge usynady. Keıinirek áıeldiń 1997 jylǵy qyzy, uly jáne onyń dosy balany ańdyp, 19 qańtarda urlap ketedi.
Sonymen qatar, İİD resmı ókili balanyń ógeı sheshesi men onyń dosynyń Shymkentke ketpekshi bolǵanyn aıtty. Alaıda olar ustaldy, sebebi balanyń ájesi aryz jazǵan. Aıta keteıik, 11 jastaǵy Órken osy ýaqytqa deıin ájesimen birge turǵan eken. Ájesiniń aıtýynsha, Órken jaýapkershiligi bar bala bolatyn jáne ol eshqashan keshikpeıtin. Al keıinirek óltirilgen Órken Azamatulynyń anasy málimdeme jasaǵan bolatyn.
