Áleýmettik jelide denesi múshelengen jáne órtengen janýarlardyń sýretteri keńinen tarady, dep habarlaıdy Qamshy aqparattyq agenttigi Moı gorod basylymyna silteme jasap.

Oral qalasynyń turǵyny «Pobeda» garaj kooperatıvinde «Aıgúl» aıaldamasynyń aýdanynda ornalasqan garajdyń sýretin áleýmettik jelige júktegen. Bul garajdyń ıesi janýarlardyń denesin múshelep kesip, olardyń ólikterin jaqyn mańda ornalasqan qoqysqa alyp tastaıdy eken.

«Qoqys tastaıtyn jerdiń ıisi tym jaman. Meniń túsinbeıtinim, osy ýaqytqa deıin muny eshkim baıqamaǵan ba? Meniń ıtim joǵalyp ketti jáne ony sol erkek alyp ketti dep estigenmin. Men ol garajdy taýyp aldym, onda janýarlardy qınaýǵa arnalǵan búkil jabdyqtar bar – tóbege baılanǵan jipter, pyshaqtar, qan aǵyp ketetin tazık», - dep jazady sýretti ǵalamtorǵa júktegen Oral qalasynyń turǵyny Alena.

Boıjetken, sonymen qatar, óz postynda garajdyń qasynda ornalasqan qoqys tastaıtyn jer ıtterdiń ishki aǵzalary men kesilgen bastaryna toly ekendigin jazyp qaldyrǵan.

Aýdarǵan: Nazerke Labıhan