Qazaqstan zańgerlerin bir uıymǵa toptastyryp, jaýapkershilik júgin kúsheıtý kerek. Búgin Astanada ótken Joǵarǵy sot janyndaǵy halyqaralyq keńestiń otyrysynda osyndaı bastama kóterildi. Bul jaıynda Qamshy aqparattyq agenttigi 24.kz portalyna silteme jasap habarlaıdy.

Keńes múshesi Aıgúl Kenjebaevanyń aıtýynsha, elimizdegi zańgerler men advokattardyń basyn qosyp, bir maqsat-múdde jolynda jumys isteýi mańyzdy.

Sondaı-aq usynys-pikirleri ortaǵa salynatyn arnaıy alań qalyptastyrý tıimdi tásil bolyp tabylady. Onyń aıasynda arnaıy úılestirý keńesi qurylyp, zańgerler men advokattardyń qoǵamdaǵy róli artýy tıis. Bul rette Joǵarǵy sot tóraǵasy Qaırat Mámı tyń bastamalardy tıisti organdarǵa joldap, júıeli júzege asyrý qajettigin aıtty.

Esterińizge sala keteıik, atalǵan keńes osydan bir jyl buryn qurylyp, sot júıesin jetildirý baǵytynda jumys istep keledi.

Aıgúl Kenjebaeva, halyqaralyq keńestiń múshesi:

- Shetelde zańger bolý joǵary mártebe sanalady. Óıtkeni olarǵa zor jaýapkershilik júktelgen. Sondyqtan biz bul sala jumysyn bir retke keltirýimiz kerek. Dálirek aıtqanda, zańgerler men advokattar úshin arnaıy uıym qurýdy kózdep otyrmyz.