Aǵymdaǵy jyldyń qyrkúıek aıynda Medeý muz aıdynynda «Azıa juldyzy» festıvali ótedi. Bul týraly búgin Aqordada ótken Rýhanı jańǵyrý jónindegi ulttyq komısıa otyrysynan keıin BAQ ókilderine suhbat bergen Almaty qalasynyń ákimi Baýyrjan Baıbek aıtty dep habarlaıdy Qamshy aqparattyq agentti.

«Búgin men josparda turǵan 2 jańa bastama jaıynda aıttym. Buryn almatylyqtar, jalpy qazaqstandyqtar «Azıa daýysy» jobasy týraly kóp aıtatyn. Sondyqtan biz Medeý, Shymbulaqty kórsetý, jalpy Almatynyń týrısik áleýetin kóterý úshin «Azıa juldyzy» degen jobany bastamaqpyz. Qyrkúıek aıynda, ózderińiz biletindeı, árbir úshinshi demalys kúni Almaty qalasy kúni toılanady. Sol kúni Medeý muz aıdynynda osyndaı festıváldi ótkizý arqyly ózimizdiń mádenıetimizdi Azıaǵa pash etetin bolamyz», - dedi qala basshysy.

Munan bólek, onyń aıtýynsha, «Qazaqfılm» kınostýdıasy aýmaǵynda bos jatqan jerde etnolend jobasy qolǵa alynady. Ol jerde qala turǵyndary, aımaqtardan kelgen azamattar, sheteldik qonaqtar Almatynyń myń jyldyq tarıhymen tanysa bolady.

«Belgili ǵalymymyz Karl Baıpaqov Almaty qalasynda túrli qorǵandardyń óte kóp ekendigin aıtqan bolatyn. Olardyń kóbi jeke kásipkerlerdiń, bankterdiń ıeliginde. Biz sol jerlerdi memleket menshigine qaıtaryp, ashyq aspan astyndaǵy mýzeıler jasaıtyn bolamyz»,- dedi Baýyrjan Baıbek.

Sonymen qatar qala basshysy Almatyda ornalasqan qarjy ınstıtýttarynyń qarjysy esebinen qazirgi ýaqytta 1 mlrd. teńgeden astam somaǵa 20 joba júzege asyrylyp jatqanyn atap ótti. Máselen, jańadan qurylǵan Naýryzbaı aýdanynda 500 adamǵa arnalǵan emhana men 1200 oqýshyǵa arnalǵan mektepti kásipkerler óz qarjylaryna salyp, qalaǵa syıǵa tartatyn bolady.

«Mádenıet salasynda da qalamyzdyń jetistikteri jetkilikti. Ótken jyldyń ózinde mýltımedıalyq mýzyka ortalyǵyn, myńjyldyq mýzeıin ashtyq. Mýltımedıalyq quraldarmen qalanyń, memlekettiń tarıhyn kórsetýdemiz. Munan bólek, Sheberler aýyly, Dástúrli mýzyka teatry da ashylǵan edi», - dedi ol.