Atyraý oblysynda eki turǵynǵa meshitte daýystap «ámın» degeni úshin aıyppul salyndy, dep habarlaıdy Qamshy aqparattyq agenttigi Moı gorod basylymyna silteme jasap.

Súre oqylyp bolǵannan keıin namazǵa jyǵylýshylar «ámın» degen sózdi ishinen aıtýy qajet.

Namazǵa jınalǵan jamaǵattyń ishindegi eki jigit daýystap «ámın» dep aıtqan eken.

Saldarynan, ekeýi de ákimshilik jaýapkershilikke tartylyp, olarǵa 50 AEK  - 113 450 teńge aıyppul salyndy.

Meshitke kelýshiniń mindetteri jazylǵan erejeniń 3-4 bólimine sáıkes «ámın» degen sózdi daýystap aıtýǵa tyıym salynady eken.

Esterińizge sala ketsek, aǵymdaǵy jyldyń aqpan aıynda Jańaózendik tórt turǵynǵa meshitte jamaǵatpen namaz oqyp turǵandarynda daýystap «ámın» dep aıtqany úshin aıyppul salynǵan bolatyn. Jazaǵa tartylýynyń negizgi sebebi – kelýshiler ımamǵa kedergi jasap, dinniń talaptaryn buzǵan.

Aýdarǵan: Nazerke Labıhan