«Harakat ash-SHabab» ıslamdyq sodyrlar toby jergilikti turǵyndy opasyzdyq úshin taspen uryp tastaǵan. Jaraqattardan er adam qaıtys bolǵan dep habarlaıdy Qamshy aqparattyq agenttigi sheteldik BAQ-qa  silteme jasap.

Jaza 28 mamyr kúni Somalıdegi Ramo-Adı aýylynda ótken. Málimetterge súıensek, 44 jastaǵy somalıılik er adamdy jazalaý barysynda ony   basy ǵana kórinetindeı etip jerge kómip tastaǵan.

Jergilikti aýdannyń gýbernatorynyń aıtýynsha, er adamnyń eki áıeli men balalary bolǵan. Osyǵan qaramastan onyń taǵy bir áıelge kózi túsken. Ol áıeldiń aıaǵy aýyr bolyp qalǵany belgili bolǵanda ekeýiniń arasynda neke bolmaǵany anyqtalǵan.  

Harakat ash-SHabab» ıslamdyq sodyrlar toby 2004 jyly qurylǵan. Onyń maqsaty – sharıǵat zańy boıynsha júretin qoǵamdy qurý. 

Sholýshy: Nazerke MUSA