2009 jyly segiz balany dúnıege ákelgen ana esterińizde me? Qazirgi tańda bul balalardyń jaǵdaıy jaıly Qamshy aqparattyq agenttigi sheteldik BAQ-qa silteme jasap, oqyrman nazaryna usynady.
2009 jyly Natalı Sýlman esimdi jas ana segiz bala týyp, búkil Amerıkany dúr silkindirgen edi. Bir qýanarlyǵy, Natalıdiń balalarynyń barlyǵy da deni saý bolyp dúnıege kelgen.
Natalıdiń Kamrava esimdi dárigeriniń aıtýynsha, onyń jatyrynan 12 embrıondy anyqtaǵan.
Ol ýaqytta Natalıdiń odan bólek 6 balasy bolǵan.
Segiz balanyń esimderi: Noa, Malı, Isaııa, Djon, Makaı, Djozaııa jáne Djeremaııa.
Natalı 14 balasynyń barlyǵyna qamqor bolyp, olardy qamtamasyz etýge tyrysty. Ol ýaqytta Natalı mektep bitireıin dep jatqan bolatyn.
«Men balalarymnyń barlyǵyna qaraı alamyn, tek mektep bitirip alaıyn. Eger bulardyń bolashaǵyn oılamaı, dıvanda teledıdar kórip jata beretin bolsam, ol meniń jeke basymdy ǵana oılaǵandyǵym bolar edi», - deıdi on tórt balanyń anasy.
Natalı birneshe ret televızıalyq shoýlarǵa shyǵyp, qarjylaı kómek suraǵan. Óziniń jeke realıtı-shoýynyń jobasyn jasap, kelisimshartqa da qol qoıǵan. Alaıda, ol shoý teleekranǵa shyqpady.
Birneshe kún buryn segiz bala ózderiniń týǵan kúnderin atap ótti. Balalar alańynda kóńil kóterip, oınap, týǵan kúnderin óte qyzyqty etip ótkizdi.
Qazirgi tańda Natalı óziniń 14 balasymen birge Los-Andjeleste qala syrtyndaǵy kishigirim úıdi panalap júr.
Sholýshy: Nazerke Labıhan
