9 shildede Qazaqstannan Qyrǵyzstanǵa jolǵa shyqqan «Memorıal» quqyqqorǵaý ortalyǵynyń basshysy Vıtalıı Ponomarevty keshki 18:30-da elge kirgizbeı qoıǵan, dep jazady Qamshy aqparat agenttigi. Bul týraly Ponomarev Qyrǵyzstandaǵy «Azattyqqa» ózi habarlaǵan.

«Qyrǵyzstanǵa kirerdiń aldynda tólqujat baqylaýyna kelgenimde, shekara kúzetshileri qujatymdy tartyp aldy. Birer mınýttan soń qujatymdy qaıtaryp, elge kire almaıtynym jóninde akt tabystady. Aktide kórsetilgendeı, «Memleket shekarasy» Zańnamasynyń 43-baby men «İshki mıgrasıa» Zańnamasynyń 7-babyna sáıkes maǵan Qyrǵyzstanǵa kirýge tyıym salynǵan. Boldy. Mundaı sheshimdi qaı organ qabyldady, qaı ýaqytqa deıin jaramdy – bul jaıynda aqparat kórsetilmegen».

Vıtalıı Ponomarevtyń aıtýynsha, 29 maýsymda ol Máskeýden Qyrǵyzstanǵa «ekstremızmmen kúres» forýmyna qatysý úshin barǵan. Forým 1 shilde men 3 shilde aralyǵynda ótti. 4 shilde kúni Astanaǵa jol tartty. Ushaqqa otyrmaı turyp shekarashylar ony 50 mınýttaı ustap, keıin jibergen.

Sondaı-aq, Bishkekte Ponomarevtyń zattary qalyp qoıǵan eken. Ol zattaryn alyp, 10 shildede Máskeýge qaıta ushpaq bolǵan.

«Memorıal» quqyqqorǵaý ortalyǵynyń basshysyn Qurmanbek Bakıev Qyrǵyzstan prezıdenti bolǵan kezde de elge kirgizbegen. 2009 jyly «Manas» áýejaıynda shekarashylar reseıliktiń jolyn bógegen.

Sholýshy: Gúlim Jaqan