Atap aıtqanda kartop (140 synamanyń 3-inde), qyryqqabat (169/9), baıaldy (41/1),  redıs (34/2), shomyr (11/1),  kádi (32/3), banan (23/1), qulpynaıda (16/2) nıtrattardyń qaldyq mólsheri joǵary ekenin kórsetti.Esesine hımıkattar basqa baqsha ónimderinde kóp kezdesedi, dep habarlaıdy Qamshy.kz  aqparat agentigi Astana ákimdiginiń medıa ortalyǵyna silteme jasap.

Elordalyq qoǵamdyq densaýlyqty saqtaý departamentiniń habarlamasyna sáıkes, nıtrattardyń qaldyq mólsheri joǵary ónimder shetelden ákelingen: mysaly qulpynaı Italıadan, al hımıalyq elemetter tabylǵan kartop Qytaıdan jetkizilgen. Sonymen birge baý-baqsha ónimderinde ázirge deıin nıtrattar tabylǵan joq. Shilde aıynyń basynan beri qarbyz ben qaýynnyń quramyndaǵy nıtrattardyń qaldyq mólsherin anyqtaý maqsatynda 33 synama tekserildi.

Mamandar baqsha ónimderin satyp alǵanda birqatar sharttardy saqtaýǵa shaqyrady. Baý-baqsha ónimderin tek dúkender men bazarlardan satyp alǵan jón, sebebi tamaq ónimderi ýaqytsha saqtaý men temperatýralyq rejımdi qadaǵalaý arqyly júzege asyrylýy kerek. Aýa temperatýrasy men ylǵaldylyǵynyń tómen nemese joǵary bolýy ónimniń sapasyna áser etip, qaýipsizdigine kepildik bermeıdi. Al, kóshedegi ashyq kún astyndaǵy jabaıy saýda oryndarynda satylatyn ónimder kez kelgen nársemen lastanýy múmkin.

Budan bólek, kókónister men jemisterdiń óndirýshiniń bergen ónimniń talapqa saı ári qaýipsiz ekendigin dáleldeıtin qujattary bolýy shart. Qarbyz ben qaýyn tańdaǵanda ónimniń syrt kelbetine mán bergen durys (jarylmaǵan bútin ónimdi tańdaý kerek). Ónimniń ishine zalaldy zattardyń túspeýi úshin qaýyn-qarbyzdy satyp almas buryn kespegen jón.

Sholýshy: Aqnur MUHTARHAN